دور درشن اردو یکم محرم سے عاشورہ کے دن تک پیغام کربلا پروگرام ٹیلی کاسٹ کرے گا

نئی دہلی ۲۰ اگست [یو این آئی] دور درشن اردو یکم محرم سے عاشورے کے دن تک “پیغام کربلا” عنوان کے تحت روزانہ مجلس، مرثیہ ، سوز کے پروگرام ٹیلی کاسٹ کرے گا۔دوردرشن پر جو 54 سے زیادہ ممالک میں دیکھا جاتا ہے، اردو کے “پیغام کربلا” پروگرام میں ہر روز کربلا میں مشہورو معروف علما، مرثیہ خواں، سوز خواں ، حضرت امام حسین کی شہادت اور واقعہ ہائے کربلا سے لوگوں کو روبرو کرائیں گے۔کرونا کی تباہی کی وجہ سے ، مختلف ریاستی حکومتوں نے لوگوں کی سلامتی کو مدنظر رکھتے ہوئے تقریباًہر طرح کے سماجی و مذہبی پروگراموں پر پابندی عائد کردی ہے۔ اس دوران ، لوگوں نے ہولی ، جنم اشتی ، رمضان المبارک عید اور تمام دیگر مذہبی فرائض محدود پیمانے پر گھروں میں انجام دیئے۔
اسی طرح ، تمام ریاستی حکومتوں نے ہدایت نامے کو مدنظر رکھتے ہوئے ، گھر پر ہی گنیش پوجا اور محرم کے عوامی پروگرام منعقد کرنے کے رہنما اصول جاری کیے ہیں۔