انجمن محمد یہ مومن آباد منڈی بل کے زیراہتمام

جلوس عزاء برآمد،عزاداروں کی خاصی تعداد نے شرکت کی

سرینگر/کے پی ایس , مومن آباد منڈی بل سرینگر سے 9 محرم الحرام کی مناسبت سے جلوس اعزاء برآمد ہوا جس میں عزاداروں کی ایک کثیر تعداد نے شرکت کرکے شہدائے کربلا علیہ السّلام کی عظیم قربانی کی یاد میں نوحہ خوانی کرکے شہداء کو یاد کیا اور انہیں شاندار خراج عقیدت پیش کیا۔کشمیر پریس سروس کے موصولہ بیان کے مطابق جلوس عزاء مسجد محمدیہ مومن آباد منڈی بل سے برآمد ہوکر محلہ علی پورہ، محلہ سید افضل شاہ جلالی، شری بٹ اور علمگری بازار سے ہوتے ہوئے آسان عالیہ نابدی پورہ جڈی بل میں دیر رات گئے اختتام پزیر ہوا۔واضح رہے کہ اس قدیمی جلوس عزاء کا اہتمام ہرسال انجمن محمدیہ مومن آباد منڈی بل کرتا ہے۔