’ایک پیڑ ماں کے نام‘ مہم کے تحت پودے لگائے گئے

علی گڑھ، اے ایم یو اے بی کے ہائی اسکول (گرلز) میں ایک پیڑ ماں کے نام مہم کے تحت پودے لگائے گئے۔ وائس پرنسپل ڈاکٹر صبا حسن نے شجرکاری مہم کا آغاز کیا اور اسکول کے اساتذہ نے طالبات کے ساتھ اسکول کیمپس میں اور اس کے ارد گرد گل مہر کے پودے لگائے۔
عملے کے ارکان نے طالبات کو ماحولیات دوست عادات اپنانے کے ساتھ ہی جنگلات کی کٹان روکنے اور آلودگی سے بچاؤ کی تحریک میں اپنا کردار ادا کرنے کا حلف دلایا۔
ڈاکٹر صبا حسن نے کوآرڈینیٹر ڈاکٹر فرحت پروین، عرشی خانم اور محمد عمران خان کی کاوشوں کو سراہا اور شجرکاری مہم میں تعاون کے لئے یونیورسٹی کے شعبہ لینڈ اینڈ گارڈن کے ممبران کا شکریہ ادا کیا۔