صدر شعبہ مقرر

علی گڑھ، : علی گڑھ مسلم یونیورسٹی (اے ایم یو) کے شعبہ ریاضی کے پروفیسر شاہد علی کو 10 اگست 2024 سے ان کی سبکدوشی کی تاریخ 14 جولائی 2025 تک کی مدت کے لیے شعبہ ریاضی کا چیئرمین مقرر کیا گیا ہے۔
پروفیسر علی 35 سال سے زائد عرصے سے تدریسی و تحقیقی خدمات انجام دے رہے ہیں۔ قومی اور بین الاقوامی شہرت کے حامل رسائل میں ان کے 25 تحقیقی مقالے شائع ہوئے ہیں اور 20 سے زائد قومی و بین الاقوامی کانفرنسوں اور سیمینارز میں انھوں نے مقالے پیش کیے ہیں۔
ڈفرینشیئل جیومیٹری، سی آر-سب مینی فولڈس، سب مرزنس، ٹینسرز، رلیٹیویٹی اور کیلکولس ان کی تدریسی و تحقیقی دلچسپی کے موضوعات ہیں۔