نئی دہلی: دی ویمن ایجوکیشن اینڈ ایمپاورمنٹ ٹرسٹ TWEETنے بٹلہ ہاؤس میں ایک اہم بیداری پروگرام کا انعقاد کیا۔ اس پروگرام میں بیئنگ ہیپی فاؤنڈیشن اور SK امپلس فاؤنڈیشن نے بھی تعاون کیا۔ اس سیشن کا مقصد خواتین کو اہم فلاحی اسکیموں تک رسائی کے بارے میں معلومات فراہم کرنا تھا۔
اس پروگرام میں 57 شرکاء نے شرکت کی، جس کی نگرانی پروین نے کی، جبکہ TWEET کی آفس کوآرڈینیٹر مسکان نے درخواست دینے کے طریقہ کار اور ضروری دستاویزات کی تفصیلات فراہم کیں۔ یہ اقدام خواتین کو بااختیار بنانے اور انہیں دستیاب وسائل سے فائدہ اٹھانے میں مدد فراہم کرنے کی ایک کوشش ہے تاکہ وہ اپنی زندگیوں کو بہتر بنا سکیں۔
شرکاء کی جانب سے اس پروگرام کو بہت سراہا گیا، اور ایسے سیشنز کی اہمیت پر زور دیا گیا جو بیداری پھیلانے میں مددگار ثابت ہوں.
