جمہوریت کی بنیاد کو مضبوط بنانے کے لئے ووٹ ضرور ڈالیں ۔ شیخ عبدالرحیم

اورنگ آباد – مورخہ 20 نومبر 2024 یعنی بروز بدھ کو جمہوریت کی بنیاد مضبوط بنانے کے لئے آپ کو ووٹ ڈالنے کی ضرورت ہے۔ ووٹ آپ کا حق ہے اور اس حق کا آپ بھی استعمال کیجئے ایسی اپیل ہیپی ٹو ہیلپ فاؤنڈیشن کے بانی صدر شیخ عبد الرحیم سرنے کی ہے۔ مہاراشٹر اسمبلی انتخابات 2024 کے لئے پورے مہاراشٹر ریاست میں ودھان سبھا انتخابات کے لیے ایک ہی مرحلے میں اورنگ آباد اور دیگر اضلاع کے لئے بروز بدھ 20 نومبر 2024 کو صبح 7 سے شام 6 تک ووٹ ڈالے جائیں گے ۔ سبھی بھائی اور بہنوں سے گزارش ہے کہ گھر سے باہر نکل کر جمہوریت کو مضبوط بنانے کے لئے اپنا قیمتی ووٹ ڈالیں اور اپنے افراد خاندان اور دوست و احباب کو اس بات کی اطلاع دیں اور ووٹ ڈالنے کیلئے آمادہ کریں۔ آج تک یہ دیکھا گیا ہے کہ ووٹنگ فیصد صرف 55 سے 65 ہی رہا ہے۔ اسلئے ہم سب کو کوشش کرنا چاہیے کہ ووٹنگ کا فیصد اس بار سو فیصد ہو ۔ اسی لئے ووٹرز کو سرکار نے بھی سرکاری نیم سرکاری عملے کو تعطیل دی ہے اس لیے سرکاری نیم سرکاری عملہ سے درخواست کی جاتی ہے کی اس تعطیل کا فائدہ اٹھائیں اور صد فیصد ووٹنگ کرے ۔ ووٹنگ کی شرح میں اضافہ کرنے کے لئے ہم سبھی کا فرض بنتا ہے کہ ووٹ کرنے کے لئے ہم سب ملکر اس کے متعلق سبھی کو آگاہ کرے اور یہ نا سوچے کہ ہمارے ایک ووٹ سے کیا فرق پڑتا ہے؟ فرق ضرور پڑتا ہے صرف ایک ووٹ سے کئی جگہ امیدوار ایک ووٹ سے منتخب ہوتے اور کوئی ہار جاتا ہے۔ صبح پہلے آپ خود ووٹ ڈالکر دوسروں کو بھی آمادہ کریں۔ یہ ہمارا جمہوری فرض ہیں اور زیادہ سے زیادہ ووٹنگ کرنے کی کوشش کیجئے ایسی اپیل ہیپی ٹو ہیلپ فاؤنڈیشن کی جانب سے کی گی ہے ۔