اس کا مقصد نئی نسل کے لیے کیرئیر کاؤنسلرز اور مینٹرز تیار کرنا ہے
نئی دہلی : ہندوستان بھر میں کیریر کے حوالے سے نوجوانوں کی راہنمائی کرنے والی تنظیم، سینٹر فار ٹریننگ اینڈ اکیڈمک گائیڈنس نے دہلی میں کیرئیر گائیڈنس اور کاؤنسلنگ پر تین روزہ تربیتی ورکشاپ کیا ، جس میں ملک بھر سے آنے والے24 چنندہ کیریر کونسلروں کو تربیت دی گئی ۔ یہ پروگرام کیرئیر ٹریننگ اینڈ گائیڈنس (سی ٹی اے جی) اور ہیومن ویلفیئر فاؤنڈیشن (ایچ ڈبلیو ایف) کے زیر اہتمام منعقد ہوا، جس کا مقصد جدید ٹیکنالوجی اور حکمت عملیوں سے لیس ایک نئی نسل کے لیے کیرئیر کاؤنسلرز اور مینٹرز تیار کرنا تھا۔
یہ پروگرام ماہرین کی زیر قیادت انٹرایکٹو سیشنز پر مشتمل تھا، جن میں محمد عتیق الرحمن، ڈاکٹر شہزاد، ڈاکٹر رینوکا جین، محمد سلیم اللہ خان، ڈاکٹر سلطانہ پروین، مسٹر شارق انصار، اور مسٹر فیضی رحمن شامل تھے۔ مباحث کے موضوعات میں تعلیمی چیلنجز، رابطے کی مہارت، پیشہ ورانہ ترقی، اور کیرئیر کاؤنسلنگ کے عملی طریقے شامل تھے۔
شرکاء نے جدید تعلیمی چیلنجز اور کیرئیر کاؤنسلرز کے اہم کردار کے بارے میں تربیت حاصل کی۔
سی ٹی اے جی اور ایچ ڈبلیو ایف کی یہ کاوش شمالی بند میں کیرئیر گائیڈنس کے نظام کو مضبوط بنانے کی سمت ایک اہم قدم ہے۔ یہ منتظمین کی اس عزم کا عکاس ہے کہ وہ اساتذہ اور کاؤنسلرز کو بااختیار بنائیں تاکہ وہ طلبہ کو ان کے تعلیمی اور پیشہ ورانہ سفر میں مؤثر رہنمائی فراہم کر سکیں۔
جماعت اسلامی ہند کے نائب صدر، ملک معتصم خان نے شرکاء کو اسناد کی تقسیم کیے۔
