آگرہ فتح پور سیکری جامع مسجد کے پیچھے واقع درگاہ حضرت تاج الدین عرف والے میاں چشتی رحمۃ اللہ علیہ پر ہر سال کی طرح اس سال بھی آفتابِ دین و ملت، چھ ماہ کے پیدائشی ولی حضرت شیخ تاج الدین عرف والے میاں چشتی رحمۃ اللہ علیہ کا ایک روزہ سالانہ عرس بروز پیر، مورخہ ۳ فروری کو درگاہ کے سجادہ نشین و متولی، حاجی نواب الدین چشتی اور حاجی مقیم چشتی صاحب کی سرپرستی میں پوری شان و شوکت کے ساتھ منایا جائے گا۔ اس سلسلے میں مزار شریف سے منسلک انتظامیہ نے عرس کی تمام تیاریاں مکمل کر لی ہیں۔
عرس کی تفصیلات بتاتے ہوئے درگاہ کے کنوینر، روح الامین چشتی نے کہا کہ عرس کا آغاز ۳ فروری کو دوپہر ۳ بجے ہوگا، جس کے بعد ۴ بجے صندل شریف، چادر پوشی، اور گلاب جل و عطر پیش کیا جائے گا۔ مغرب کے بعد ۶ بجے سے لنگر تقسیم کیا جائے گا، جس میں دعا کا اہتمام ہوگا۔ اس کے بعد رات ۹ بجے سے قوالیوں کا پروگرام اور محفلِ سماع منعقد کی جائے گی، جس میں مشہور قوال اپنے کلام پیش کریں گے۔
بعد ازاں، حضرت تاج الدین عرف والے میاں چشتی رحمۃ اللہ علیہ کا کل شریف ہوگا، اور رنگِ محفل کے ساتھ عرس کا اختتام کیا جائے گا۔ اسی دوران مزید لنگر تقسیم کیا جائے گا۔ ۴ فروری کی صبح قرآن خوانی اور فاتحہ خوانی کے ساتھ عرس کا باقاعدہ اختتام ہوگا۔
سالانہ عرس حضرت تاج الدین عرف والے میاں چشتی رحمۃ اللہ علیہ ۳ فروری کو
