لکھنؤ ,مسلم اسٹوڈنٹس فیڈریشن (MSF) کے زیرِ اہتمام ہر سال کی طرح اس سال بھی لکھنؤ کے الاتحاد ماڈل اسکول، نورانی باغ میں کمبل تقسیم کا فلاحی پروگرام منعقد کیا گیا۔ اس موقع پر غریب اور مستحق افراد میں کمبل تقسیم کیے گئے، جس سے شدید سردی کے موسم میں انہیں خاصی راحت ملی۔
تقریب سے خطاب کرتے ہوئے مہمانِ خصوصی انڈین یونین مسلم لیگ کے صوبائی صدر ڈاکٹر محمد متین خان نے کہا کہ جو لوگ ضرورت مندوں کی مدد کرتے ہیں، اللہ تعالیٰ ہمیشہ ان کی مدد فرماتا ہے۔ انہوں نے نوجوانوں اور طلبہ پر زور دیا کہ وہ خدمتِ خلق کو اپنی زندگی کا حصہ بنائیں اور سماج کے کمزور طبقات کے لیے آگے آئیں۔
پروگرام میں MSF کے صوبائی جنرل سیکریٹری حافظ محمد سعد، مولانا ابو طاہر ندوی، مولانا جاوید ندوی، راجہ قدوائی، محمد فیض ایڈووکیٹ، محمد عامر ایڈووکیٹ، سہراب خان ایڈووکیٹ، حافظ عرفان، اسداللہ خان سمیت متعدد معزز شخصیات شریک رہیں۔
پروگرام کا اختتام اجتماعی دعا کے ساتھ ہوا، جس میں ملک و قوم کی سلامتی، خوشحالی اور مستحق افراد کی بہتری کے لیے دعائیں کی گئیں۔
