ممبئی: مہاراشٹر حکومت کے سابق وزیر اور رکن اسمبلی جناب اسلم شیخ صاحب کو اتر پردیش کانگریس کی اسکریننگ کمیٹی کا رکن نامزد کیے جانے پر آل انڈیا علماء بورڈ اور مختلف شعبہ ہائے زندگی سے تعلق رکھنے والی معزز شخصیات نے دلی مبارک باد پیش کی اور ان کے لیے نیک خواہشات کا اظہار کیا۔
اس موقع پر آل انڈیا علماء بورڈ کے نمائندوں اور دیگر معزز شخصیات نے جناب اسلم شیخ صاحب سے ملاقات کرکے انہیں اس اہم ذمہ داری پر مبارک باد دی۔ ملاقات کے دوران باہمی احترام، سماجی روابط اور عوامی مسائل پر تبادلہ خیال بھی ہوا۔
اس موقع پر حضرت علامہ بنئی حسنی صاحب، حضرت مولانا نوشاد احمد صدیقی صاحب، حضرت مولانا انصار قاسمی صاحب، جناب قمرالدین انصاری صاحب، جناب حسن کمال گرافکس صاحب اور حضرت مولانا عبدالراشد انصاری صاحب سمیت دیگر معزز شخصیات موجود رہیں۔
وہیں آل انڈیا علماء بورڈ اتر پردیش کے اراکین محترم بادشاہ خان، ایڈیٹر اظہر عمری، مفتی طاہر حسین، پیرزادہ عامر قادری، ڈاکٹر عبدالقادر سید، مولانا ثابت علی نقشبندی، محترم واصف عمر، انجینئر محمد عادل خان، محترمہ شبانہ، محترمہ عشرت سلطانہ، محترمہ رضیہ قدیر اور محترمہ تبسم عباس نے بھی جناب اسلم شیخ صاحب کو اس اہم ذمہ داری پر دلی مبارک باد پیش کی۔
اس موقع پر معزز شخصیات نے کہا کہ کسی بھی اہم ذمہ داری کے ساتھ عوامی توقعات، اعتماد اور خدمت کے نئے امکانات وابستہ ہوتے ہیں۔ امید ہے کہ جناب اسلم شیخ صاحب اپنی نئی ذمہ داری کو خلوص، دیانت داری اور احساسِ جواب دہی کے ساتھ انجام دیں گے اور جمہوری اقدار، عوامی مسائل اور سماج کے مختلف طبقات کی نمائندگی کے حوالے سے اپنا کردار ادا کرتے رہیں گے۔
تمام شرکاء نے اللہ تعالیٰ سے دعا کی کہ وہ جناب اسلم شیخ صاحب کو اس نئی ذمہ داری میں کامیابی عطا فرمائے اور ان کی صلاحیتوں کو عوامی فلاح و بہبود کا ذریعہ بنائے۔
