سماج وادی پارٹی کے قومی سکریٹری ستیندر جین سولی نے فیتہ کاٹ کر کیا دفتر کا افتتاح، زیادہ سے زیادہ شرکت کی اپیل
جلال پور۔ آئندہ 27 ستمبر 2026 کو منعقد ہونے والے شری 1008 بھگوان آدیناتھ سالانہ میلہ مہوتسو کی تیاریوں کے سلسلے میں شری دگمبر جین دھرم شالہ، چوکی گیٹ پر میلہ دفتر کے افتتاح کی تقریب منعقد ہوئی۔
میلہ کمیٹی کے صدر آیوش جین، نائب صدر انشول جین، جنرل سکریٹری رجت جین، خزانچی ہرش جین اور آڈیٹر دھرمیندر جین نے ستیندر جین سولی کا استقبال کیا۔
اس موقع پر ستیندر جین سولی نے میلہ کمیٹی کے تمام عہدیداران اور منتظمین کا شکریہ ادا کیا۔ انہوں نے کہا کہ بھگوان آدیناتھ کے سالانہ میلہ مہوتسو میں زیادہ سے زیادہ لوگوں کو شرکت کرنی چاہیے۔
انہوں نے 27 ستمبر کو منعقد ہونے والے میلہ مہوتسو میں علاقہ کے عوام سے زیادہ سے زیادہ تعداد میں پہنچ کر پروگرام میں شرکت کرنے کی اپیل کی۔
میلہ دفتر کے افتتاح کے ساتھ ہی پروگرام کی تیاریوں میں تیزی آگئی ہے۔ کمیٹی کی جانب سے میلے سے متعلق مختلف انتظامات کو حتمی شکل دینے کا کام شروع کر دیا گیا ہے۔