آئی ایس ٹی سی جامعہ نگر کی پہل
نئی دہلی : آئی ایس ٹی سی جامعہ نگر سینٹر میں تعلیمی سال 2024–25 کے اے این ایم بیچ کے کامیاب طلبہ کے لیے سرٹیفکیٹ تقسیم کی تقریب منعقد ہوئی۔
سینٹر انچارج محمد ابوزر کے مطابق، اس بیچ کے کل 19 طلبہ و طالبات کو کورس مکمل کرنے کے بعد سرٹیفکیٹس سے نوازا گیا۔ انہوں نے کہا کہ یہ تقریب ادارے کے اس عزم کی عکاسی کرتی ہے کہ وہ ہنر مندی کے فروغ اور صحت کے شعبے میں معیاری تعلیم فراہم کرنے کے لیے مسلسل کوشاں ہے، خصوصاً کمیونٹی سطح پر خدمات انجام دینے کے لیے تربیت یافتہ نرسنگ عملہ تیار کرنے میں۔ انہوں نے مزید کہا کہ اے این ایم کی تربیت حاصل کرنے کے بعد طلبہ صحت کے میدان میں تنخواہ پر اپنی جگہ بنانے میں کامیاب ہو رہے ہیں۔ آئی ایس ٹی سی طلبہ کو ہنر سے جوڑنے کے لیے سرگرم عمل ہے، جہاں کمپیوٹر اور اے این ایم جیسے کورسز میں داخلہ لے کر طلبہ کم وقت میں اپنا کیریئر بنا سکتے ہیں۔
