آگرہ، 25 جولائی: سلسلۂ ابوالعلائیہ کے بانی حضرت سیدنا امیر ابوالعلا احراری رحمۃ اللہ علیہ کے 387ویں سالانہ عرسِ مبارک کے موقع پر آپ کے نادر تصوفی رسالہ ’’فنا و بقا‘‘ کی رسمِ اجرا آج (25 جولائی) دوپہر ایک بجے آگرہ میں منعقد ہوگی۔

اس علمی و روحانی رسالے کا ترجمہ، تخریج، تحشیہ اور ترتیب مولانا سید شاہ محمد ریان ابوالعلائی نے انجام دی ہے، جبکہ اس کی اشاعت خانقاہ سجادیہ ابوالعلائیہ، داناپور، پٹنہ (بہار) کی جانب سے کی گئی ہے۔

خانقاہ سجادیہ ابوالعلائیہ کے سجادہ نشیں حضرت حاجی سید شاہ سیف اللہ ابوالعلائی مدظلہ نے کہا کہ ’’فنا و بقا‘‘ تصوف کے طالب علموں، محققین اور اہلِ ذوق کے لیے ایک نہایت اہم اور قیمتی علمی سرمایہ ہے۔ انہوں نے کہا کہ اس رسالے کے ذریعے حضرت سیدنا امیر ابوالعلاؒ کی روحانی تعلیمات اور افکار کو نئی نسل تک مؤثر انداز میں پہنچانے میں مدد ملے گی۔

تقریبِ اجرا میں علماء، مشائخ، دانشوروں، محققین اور عقیدت مندوں کی بڑی تعداد کی شرکت متوقع ہے۔

دفتر:

خانقاہ سجادیہ ابوالعلائیہ، داناپور، پٹنہ (بہار)