लखनऊ, उत्तरप्रदेश-कांग्रेस-अध्यक्षः पूर्वमन्त्री च अजय राय भारतीयजनतापक्षं तीव्रतया आक्रम्य उक्तवान् यत्, मुख्यमन्त्रिणः योगी आदित्यनाथ प्रति पक्षे आन्तरिकः असन्तोषः चरमसीमां प्राप्तः अस्ति, यः अधुना सार्वजनिकेषु कार्यक्रमेषु अपि दृश्यते।
तेन उक्तं यत्, भाजपाया: स्थापना-दिवस-कार्यक्रमे मुख्यमन्त्रिणः अनुपस्थिति: तथा तं विडियो-संवादेन अपि न संयोजयितुं निर्णयः, एतत् स्पष्टं दर्शयति यत् दलस्य अन्तः गभीराः मतभेदाः तथा तनावः विद्यन्ते।
अजय रायः अवदत् यत् भाजपाया: आन्तरिक-कलहस्य कारणेन प्रदेशस्य विकासः प्रभावितः भवति। गत-दशवर्षेषु कृषकानां, युवानां, महिलानां, व्यापारीणां च प्रति कृताः वचनाः अद्यावधि न पूर्णाः। कृषक-आय-द्विगुणीकरणम्, रोजगार-प्रदानम्, सुदृढ-व्यवस्था इत्यादयः प्रतिज्ञाः भूमौ न दृश्यन्ते।
तेन प्रयागराज-लखनऊ-नगरयोः युवानां प्रति कृतः लाठीचार्जः, ६९,०००-शिक्षक-नियुक्ति-विवादः, न्याय-प्राप्तये न्यायालय-परिभ्रमणं च उदाहरणरूपेण प्रस्तुतम्।
गौ-रक्षण-विषये अपि सः सरकारं आलोचितवान्। वाराणसी-नगरात् प्राप्तं एकं दुःखदं दृश्यं निर्दिश्य सः उक्तवान् यत्, गौमातुः दयनीयावस्था वर्तते, यत्र शासनस्य उदासीनता स्पष्टा दृश्यते।
अजय रायः अपि अवदत् यत् समाज-सुधारकस्य ज्योतिबा फुले जन्म-जयंती-अवसरे कांग्रेस-पक्षेण अधिवक्ता-सम्मेलनम् आयोज्यते, यस्मिन् राज्यसभा-सदस्यः अभिषेक मनु सिंघवी तथा वरिष्ठ-अधिवक्ता पूर्व-केंद्रीय-मन्त्री सलमान खुर्शीद उपस्थितौ भविष्यतः।
अस्मिन् पत्रकार-समागमे आसिफ रिजवी रिंकू, अंशु अवस्थी, उमाशंकर पाण्डेय इत्यादयः अपि उपस्थिताः आसन्।
